Hochzyt vo eusem Hörnli Claudia und ihrem Michael

Am Samschtig dr 18.07.2015 hei mir eus am 08.00 ufem KV Parkplatz z’Liestel troffe. Gege die 08.15 hei mir eus den ufe Weg richtig Thun gmacht. Ufem Weg dert hi hät me zwüschezytlich chönte meine das mir mitem Schiff unterwegs sind. Es het so gschüttet das s’Wasser gstande isch uf dr Stross. Nichts desto trotz hei mirs alli gschafft und sind uf die 09.30 in Thun acho. Mir hei eus ine gmietlichs Restaurant begeh und hei gwartet bis es Zyt isch eus im Brutpaar zeige. Uf die 11.30 hei mir eusi Instrument packt und hei e Spalierformation vor dr Chirche ihgno. S’frischbackene Ehepaar isch überrascht aber stolz und glücklich zwüsche euser neue lieblings Formation durespatziert und het sich zum Apero begeh. Dört hei mir den d’Ehr kah drei Lieder vor versammelte Gsellschafft dörfe spiele und euse Major dr Simon het schomol e potenzielle Nochfolger in Form vom Michael testet?. Nachdem glungene Uftritt hei mir den no es paar super Föteli mitem Ehepaar dörfe mache. Uf die 14.00 hei mir denn, wo sich d Hochzytsgsellschaft ufs Schiffbegeh het.
Uf dem Weg nomol herzliche Glückwunsch an Claudia und dr Michael. Mir wünsche eu alles Gueti für Zuekunft.
geschrieben von Tobias Langlotz