Ufgrund vo dr aktuelle Situation werde mr e Probestop bis endi November mache sowie alli Offizielle Aläss bis uf witeres absage.
Gsundehit vo jedem einzelne het höchsti Priorität!
Mir hoffe, dass mir möglichscht bald wieder chönne zämme musiziere und ä paar zämme neh! 🥂🥃🍻
Wotsch Informatione über uns? Oder es Mitglied vo uns werde? Dene meld dich per Facebook, Instagram oder Kontaktformular bi uns!
#mirfreueunsufdi
Leider münd mir euch mitteile das unsere Bummel am 22. März nit stattfinde wird.
Liebi Latärnli
Was füre Wuche! Normalerwis schriebi um die Zit mi traditionelle Rückblick über eusi Fasnachtswuche. Leider isch die Fasnacht ganz anders usgfalle als mir eus das vorgstellt hei. Ä Johr lang hämmer eus uf die Wuche vorbereitet und denn wird euses Highlight eifach churzfrischtig abgseit.
Schön wer si worde, do bini überzügt. Mir werä parat gsi, hätte gschränzt, gfiert und ä gueti Zit gha in dä Gasse und Beize vo Lieschtel und Umgäbig. Abr es nützt nüt dr Chopf in Sand zsteckä. Mir hei s Beschte drus gmacht und trotzdäm dr eint oder ander zämme gno. Usnahmesituatione schweisse zämme und ich bi sicher, die sehr emotionali Nid-Fasnacht wird keine vo eus je vergässe!
Danke vilmol liebi Latärnli für die anderi, aber trotzdäm sehr schöni Wuche mit euch. Nöchscht Johr gäbe mr dopplet Gas!
Eure Presi
Und wills so schön gsi isch grad nomol im schnelldurchlauf (Video unte):
S Latärnlifescht 2020 im Rückblick!
Mir sage Danke!
Für es grandioses Latärnlifescht 2020! Zäme mit euch hei mir uns uf die bevorstehendi Fasnacht ihgstimmt. Ihr, eusi Gastgugge und mir sind parat wenns in wenige Wuche los goht!
Danke an alli Helfer und Sponsoren wo eus das Fescht ermöglicht hei und natürlich au alli Bsuecher wo mit eus zämme die ganzi Nacht gfeschtet hend!
Danke!
Bis gly!
Euri Latärnli
Zude Guggevideos: YouTube
Zude Fötelis: Facebook
Mir präsentiere euch d`Uftritszyte vom Latärnli Fescht 2020!
20:30 Schwarzbuebe Schränzer Nuglar
20:55 Fotzelcheibe Üttige
21:45 Elbisrugger Füllinsdorf
22:10 Wasserfalleschränzer Reigoldswil
23:15 Milchgugge Liestal
23:40 Latärnäschränzer Liestal
00:40 Uelischränzer Basel
D`Lieschtler Plagette isch dusse!
S`disjöhrige Sujet: “Mir pfyffe dr Fahnemarsch”
Falls du no keini hesch, chasch sie am 18./25. Januar oder am 29. Februar vo 08.00 – 17.00 Uhr vorem Stabhof oder Manor cho chaufe!
Wenn dir keis vo dene Date goht kriegsch sie absofort au bi jedem Aktivmitglied!
Ab sofort bekunnsch du Vorverkaufstickets für 10CHF bi jedem Aktivmitglied, im Latärnlichäller oder in de Krone Liestal. 🍻
S het so langs het!!
Inere Wuche isches sowit. Stadtfescht Lieschtel findet Stadt! Mit freue uns riesig uf das Weekend.
Chum au du in unsere Chäller es git die bekannte Füürwägeli und me chan au öbis Esse ha! Unsere Chäller befindet sich vis-à-vis vom Pane Con Carne in dr Salzgasse.
Unsere Chäller het wie folgt offe negst Wuchenend: 
Fritig: 17:30 bis 03:00
Samstig: 12:00 bis 03:00
Sunntig: 11:00 bis 16:30
Nebst em Chäller simer au no Musikalischt vertrette am Stadtfescht Lieschtel!
Do triffsch uns ah:
Fritig: 18:00 Uftritt Stabhofgasse & 19:30 Uftritt Vorplatz Regierungsgebäude
Samstig: 13:30 Stadtfeschtparade & 17:30 Uftritt Wasserturmplatz
See you there 😀
Wie jedes Johr sind mir wieder am Grümpeli in Buebedorf sportlich unterwegs! Chum au du und unterstützt unser Team!
Unsere Spielplan: Gruppenphase
18:00 Feld A: Latärnli vs. Au Rugger Oberdorf
18:28 Feld A: Latärnli vs. Chnoblauchfrässer Liestal
18:56 Feld A: Latärnli vs. Lupo-Rueche Lupsingen 2
19:24 Feld A: Latärnli vs. Chübelstämmer Hölstein
