Latärnäschränzer in St. Galle

Am Samschtig, churz vor Mittag, isch dr Car voller Latärnli in Richtig St Galle ufbroche, wo er ca. 2 Stunde spöter au ahcho isch. Nachdem mir uns in dr Unterkunft iihgrichtet hän, het uns dr Car wiiter ind St Galler Altstadt brocht, wo mir direkt mitere Marschproob uf uns Ufmerksam gmacht hän. Dr Räscht vom Nomitag hämmer mit Gässle verbrocht. Zum Znacht hets e Brootwuscht geh (ohni Senf) und ahschliessend hämmer im Waaghaus e chleine Uftritt gha. Um 20:00 het dr Födlebürger-Umzug durch d’Altstadt ahgfange und wo dä verbii gsi isch, isch dr Tanquillo Barnetta als Ehre-Födlebürger verschosse worde. Zum Abschluss hämmer no ei, zwei Platzkonzert gäh und sind denn für dr Rescht vom Oobe frei gsi.
Dr Sunntig het ebefalls mitere Marschproob am Güterbahnhof ahgfange, wo gliichziitig au dr Start vom 26. St Galler Fasnachtsumzug dargstellt het. Mit dr Startnummere 33 hend mir uns denn am 14:00 ihgreiht und uf unse Start gwartet. Dr Umzug isch bin Güterbahnhof gstartet und s Endi isch bim Marktplatz gsi, wo’s für d’Fasnächtler Wienerli und Brot gäh het. Nachem Umzug hen mir uns den relativ zügig wieder uf dr Heimwäg gmacht und am halb 7ni sin mir denn zrugg in Lieschtel gsi.

Samstag der Rekorde!!

Liebi Fans, Fasnächtler, Partner, Helfer und Latärnli

Am Samschtig hend mir eu alli zu üsem erschte Latärnlifescht in Lause dörfe ihlade. Und was für es Fescht das gsi isch! Mir hend zämme mit eu e friedlichi Party gfiiret. Zu hammer Guggesound hemmer s Tanzbei gschwunge und ein, zwei, viellicht sogar au drüü zämme gnoh und üs zämme ufd Fasnacht ihgstimmt. S Glücksrad isch zum dreihe fasch
t nümme usecho und vieli Tombolapriisli hend de Weg zumne glückliche Gwünner gfunde.

Mir säged DANKESCHÖN für de “Samstag der Rekorde” no nie sind soviel lüüt zu üs as Fescht cho, no nie hend üs soviel Helfer tatkräftig unterstützt, no nie isch soviel suure Öpfel drunke worde, üseri Homepage het no nie so viel Bsuecher gha an eim einzelne Tag und üsi Facebookpage het am Samschtig d 600er Marke knackt.

Das alles isch EURE Verdienscht. Mir freued üs riesig uf so e grossi Gmeinschaft dörfe z zelle und freued üs uf wiiteri Feschter, Fasnachte und gmüetlichi Öbe zämme mit eu!

Eure OK-Präsi mit Team

Daniele

Videos und Bilder vom Latärnlifest 2017:

DANKE!!

Plakette Liestel 2017

Au das Joor kasch wieder bi eus bi jedem aktiv Mitglied oder an euserne Verkaufstagä die aktuelli Plakette kaufe. Mir verkaufe eusi Plakette zum Eine am Samstig 18.02.2017 und zum Andere am Samstig vor dr Fasnecht dr 04.03.2017 im Städtli vorem Stabhof und vorem Bücheli Center. Am 18.02.2017 wärde mir zudäm au no am Nomittag en Uftritt vorem Bücheli Center ha.

Folgend no dr offizieli Färs zu dr neue Plakette:

Uf em Land aber au im Stedtli

läse chames in jedem Blettli

Lieschtel baut und zwar wie gschtört

doch nur no verdichtet wie me ghört

e Hüsli plane macht nümm Sinn

verdichtet baue isch hütt inn

in dä Quartier werde d’Gärte rationalisiert

und uf däm Land neu Quartierplän realisiert

Bewilligunge zum verdichtet baue si nümm streng

drum wird jetzt s’Wohne furchtbar eng

d’Rothuusstrooss wird zur Rothuusgass

dr Äntebach mehr troch als nass

d’KMU will d’Stadt beläbe

und nach höchere Sphäre schträbe

die Drei vom Törli ghört me jodle

im Oris e Hochhuus dünn wie ne Nodle

doch halt mir Fasnächtler mache do nit mit

ob verdichtet baue oder nit

mir gässle im Stedtli wie eh und jeh

und au dr Chienbäse löhn mir eus nit lo neh

denn d‘Fasnacht isch’s wo eus het prägt

und s’Törli het au scho vill erläbt !!!

Chäsplausch

Am Samschtig het dr alljöhrlich Chäsplausch im Chäller vo dr Goldbrunne-Clique stattgfunde. S’Motto vo dem Joor isch „Hippie“ gsi. Am 7ni hän mir uns langsam im Chäller troffe und d’Racletteöfeli vorgheizt. Wo denn alli dr wäg zur Location gfunde händ, hämmer uns an eme grosse Buffet chönnä bediene. Nach dr Bewertig vo de verschiidene Verchleidige hets e super feins Dessert geh. Au wenn mir nit ganz vollständig gsi sind, hän mir mitenand e luschtige Oobe chönne verbringe.

geschrieben von Yannis Papadopoulos

Breaking News Latärnlifest!

D Latärnli sind im Jadgfieber
Chum zäme mit üs ufd Pirsch nach neue Feschter und tolle Moment! Mir freued üs uf die gmeinsami jagt am 21. Januar ide MZH Stutz z Lause – Datum unbedingt reserviere!!

Vorverkaufstickets bechunnsch in dr Krone, im Fass und im Hitchy`s in Liestel und bi allne Aktivmitglieder.

S`het solangs het!

img_1308

Grümpeli Buebedorf

Au mir sind sportlich vertrete gsi am Grümpeli in Buebedorf. Nachere start Niederlag gege Milchbubis Nunnige (0:2), hemer gege Dorfgassschlurbi Niederdorf unsere erste Punkt chöne hole (1:1). Gege Lupo Rueche 1 isch uns es perfekte Spiel glunge (obwohl mir 0:1 in Rückstand glege sind), hemer das Spiel no chöne chäre und es mit 4:1 gwünne. Dank em Torverhältnis vo 5:4 simer  als 2. vo dr Gruppe D,ins Viertelfinal cho. Leider hemmer das Spiel gege Lupo Rueche 2 mit 0:4 Verlore.

13322147_10153439818697294_8929564168600870917_n

 

Mir sueche Di !!

Wie jedes Joor sueche mr au das Joor neui Mitglieder, wo mit eus Fasnacht wei mache. Instrumänteerfahrig bruchsch keini. Wenn de Interässe hesch, mäld di doch via Kontaktformular bi eus.
Mir freue eus uf Di !!

Manor Auftritt Guggenopenair Schopfheim

Am Samstag 30. Januar standen vor einem strengen Programm. Am Nachmittag spielten wir bei unserem Sponsor, dem Bücheli Center Liestal, ein Platzkonzert, nachdem bereits seit den Morgenstunden fleissig Plaketten verkauft wurden. Im Vergleich zum letzten Jahr, kamen dieses Jahr noch mehr Zuschauer bzw. blieben Passanten stehen.
Bereits um 1600 Uhr mussten wir aber schon weiter, zu unserem Nachtessen, dass wir uns pünktlich um 1730 Uhr mit dem Car auf den Weg nach Schopfheim machen konnten. Als wir in Schopfheim aus dem Car ausstiegen, wurden wir leider bereits verregnet. Der Regen hielt leider auch den ganzen restlichen Abend an. Das Openair bot eine für uns spezielle Struktur. So standen sich auf dem Marktplatz zwei Bühnen gegenüber. Nun wurde aber nicht, wie wir es kennen, auf der einten Bühne gespielt und auf der anderen aufgestellt, sondern es liefen beide Guggen gleichzeitig in die „Arena“. Dabei wurde von einer Gugge der Marschtakt gespielt und anschliessend, wenn beide auf der Bühne bereit waren, das erste Lied angespielt. Weiter ging es anschliessend im Ping-Pong-System, was einem wohltuende kurze Pausen ermöglichte um das anschliessende Lied mit noch mehr Kraft spielen zu können. Bei unserem ersten Auftritt hatte es trotz den Regenfällen noch einige Hartgesottene auf dem Platz, welchen wir ein bisschen einheizen konnten. Auch wir beiden Guggen unterstützen einander Tatkräftig mit Choreos und Applaus. Einige andere Vereine liessen aufgrund des geringen Publikumsaufkommen und den miesen Wetterbedingungen, ihren Auftritt Buchstäblich ins Wasserfallen. Dies kam jedoch für uns nicht in Frage und so bildeten wir als letzte Gugge den alleinigen Abschluss des Openairs, da die eigentlich uns zugeteilte Gugge auch nicht erschien. Dank der grosszügigen Grösse der Bühne und der Überdachung dieser, konnte die gesamte Gugge (ausgenommen unser Major Simon) auf dieser im Trockenen untergebracht werden. Das Sousaphoneregister brachte mit ihren Polonaisen und dem „Sousi-Chaos“ trotzdem noch einige Personen wieder auf den Platz, welche uns neben der bereits aufgerückten Polizei Gesellschaft boten. Alles in allem kann aber gesagt werden, dass wir trotz den wenigen Leuten einen tollen Abend verbringen durften.

Hochzyt Simon und Denise

Idyllisch glägge mit toller uusicht über Ziefe het üse Major de Simon sinere Denise s Jawort geh. Zu dem festliche Ahlass hend sich d Latärnli ufe Weg zu de Chirche St. Blasius begeh. Nocheme Ahsträngende Ahstieg hend mir s Brutpaar in Spalierformation entpfange. De ahchlüssendi kurzi Aperò het eus glegeheit zum Verpfläge geh und denn hend mir no für d Gsellschaft dörfe spiele. Mitunter au e kliini Überraschig für e Simi: s’ Velo! A sinere Reaktion het mr gmerkt, dass d Überraschig glunge isch!
In dem Sinn wünsched mir am frischbackene Bruutpaar alles guati in de Zuekunft und uf wiiteri tolli Johr mit euch!
Uf euch es drüfachs Latärnäschränzer!!!
Vom Sousi-register