Adieu Fasnacht 2017

Dr Cherus isch dure, d Zoggeli wiche de Schueh und s Koschtüm und d Larve wärde füres Zitli verrumt.
Schön isch si gsi, die Fasnacht 2017. Es söll no eine säge mir Fasnächtler heige nid alles geh, isch doch dr Winter mit sim nass chalte Wätter gester scho am Früehlig gwiche.
Liebi Latärnli, au das Johr möchti mi wieder uf däm Wäg bi euch füre unvergässlichi Wuche bedanke.
Wenn 40 Nase zämme schränze, spiele, lärme, feschte und trinke und drbi immer gueti Stimmig herrscht – egal wo und mit wäm – denn chönne das nur
d`Latärnli si!

Danke notürlich au an eusi treue Fans, wo vor eusne Uftritt scho parat stöhn odr eus bim Gässle hinde dri laufe.
I freu mi scho jetz ufe Bummel, wo mr notürlich au wieder alles wärde geh. Und i freu mi au uf no vili witeri Johr mit de Latärnli, au wenni vermuetlich bis zur nöchschte Fasnacht kei Härdöpfelstock meh cha gseh!

Danke, dir sit ä geile Huffe!
Eure Presi